in Uzbekistan

                         JAZOLANUVCHILAR  RO’YXATI

Xalq sudi ko’rsatma bo’yicha muddat beradi. Shu bo’yicha odam qamoqda chiritiladi…Takror aytaman, sud muddat belgilaydi xolos. Lekin bu yerda, butun yurt qamoqxonalarida 159-larga o’zgacha, alohida, o’z qonuniga zid rejim o’rnatiladi, har biriga ataylab, qasddan nazorat o’rnatiladi. Temir nazorat!… Bu sudda ko’rsatilmaydi. Bu – “maxsus ishlab chiqiladi”. Maxsus!... Kim, kimsalar tomonidan… Bu “maxsus plan” bilan bitta ham 159…  bir amnistiyaga tushmaydi, reformaga tushmaydi.  Umuman hech bir engillikka tushmaydi. Mutlaqo.  Tushmasligi uchun har bir !59 ga 20 tagacha ayb beriladi, izolyator, ogohlantirish va hokazo.  Butun yurt qamoqxonalarida 159 larga aynan shunday. Bu o’zlari chiqargan qonunga qarshi borishdir, o’z qonunlarini o’zlari tomonidan toptashdir. )’zlari hurmat qilmagan, mensimagan, oyoqosti qilayotgan Qonunni kim hurmat qiladi?!  Uning el orasida bir chaqalik obro’si bo’ladimi?  Yolg’on, b o’hton, pora, yaltoqlik, zulm ustiga qurilgan narsa nima bo’ladi?... Bu  o’limga, nafratga mahkum!  U tunu kun o’zidan qo’rqib yashaydi.  Uning hayoti qamoqdan battar!…

Hozirgi kunda bu yerda 300 ta 159 bor. Hammasining (yuz foyiz) 20 tagacha ayblovi bor. Safardan keyin ayniqsa  bu 300 ta mahkumning 99 foyiziga yana qo’shimcha bitta-ikkitadan vigovor berildi. To’g’ridan to’g’ri ro’yxat bilan berilayapdi.  Har bir ment “Nima qilay, yuqorining ko’rsatmasi, seni yopmasam meni ishdan haydaydi, senga “hayfsan berilsin” deyilgan… Temir ko’rsatma shunday”, deydi.  Mana, masalan 15-turkumda 15 ta  159 bor. Turkum boshlig’I Aziz Xolmetov: “Sizlarni izolyatorga yopsam, praporlar urib sindirishadi, buni o’zlaringiz yaxshi bilasizlar, shuning uchun hamr biring “tushuntirish xati”  yozib beringlar,  shunga asoslanib bittadan vigovor beriladi har biringga. Bu ishni qilmasam, meni ham tinch qo’ymaydi, yuqoridan ko’rsatma…”

Shundan keyin Komil Musabaev(Namangan)<  Hamidulla Xolmirzaev(Andijon), Jamoliddin Bobojonov(Xorazm), Alijon Razzoqov(Namangan), Ma’ruf Begmatov(Qo’qon), Muzaffar Nurullaev(Surxondaryo),  Abduraxim Toshboev(Namangan),… xullas 15 ta 159…  “Barakda chekdim”,  “Tekshiruvga kechikdim”… kabi soxta narsalarni o’zlariga yuklab “Tushuntirish xati”  yozib berishdi. 15 tasi ham hayfsan oldi.  Ayni shu manzarani 7-turkumda ham ko’rasiz.  G’olib Sotiboldiev, Muzaffar Jo’raev, Olim Ragibaev, Ulug’bek Dadajonov, Zarif Xo’jaev, … xullas 16 ta 159 ning hammasiga hayfsan berildi.

Gapning qisqasi, zona bo’yicha ahvol aynan shundoq.

Zonada 50 ta “cklonnik”(“qochqoq”) bor. Shundan 47 tasi 159 lar.

Ma’ruf Begmatov, Abdurahim Toshboev, Komil Musobaev, Zarif Xo’jaev, Mansur Abdurazzoqovlar shular jumlasidan. Bular aslo-aslo qochishga moyil yigitlar emas. Aslo! Ammo majburan, qasddan, ataylab ro’yxat bilan shunday qilib qo’yishgan: cklonnik!.. Bular har ikki soatda DPNK ga borib, qo’l qo’yib, tekshiruvdan o’tib qaytishadi. Zonada 3 mingga yaqin mahkum bo’lsa, faqat 3 tagina  “cklonnik” boshqa modda bilan qamalgan, to’g’rirog’i bu  3 chovi ham siyosatga aloqador …300 ta 159 dan esa 47 tasi  “cklonnik”… 300 tasining hammasi hayfsan bilan ko’milgan, doimiy zulm, ta’qibda. Yurt qamoqxonalarining barida, yuz foyiz, 159 larda shunday ahvol. Agar yurt qamoqxonalarida yarim millionga yaqin odam o’tirgan bo’lsa, shuning bir qismi 159 lar bo’lsa, hammasi, yuz foyiz, o’ntalab hayfsan bilan ko’milgan. Qolganlarning bir foyizida hayfsan bo’lishi mumkin.

Mana asl haqiqatning kaliti  qaerdan ochiladi…

159 lardan temir nazoratni olib tashlashni butun dunyo kuchlari bilan qat’iy turib talab qilish kerak.  Bu haqda matbuot, radio, televidenielarda chiqish qilish kerak. Bu havodek zarur. Zulmdan, qiynoqdan yuzlab 159 lar o’lib ketyapti, mayib bo’lyapti, majruh bo’lyapti, jabr ko’ryapti, sog’ligidan ajrayapti. Hatto besoqol ham qilinayapti. Bu ishga nihoyatda  jiddiy yondoshish kerak. 159 lardan zonalar ichida o’rnatilgan temir rejimni olib tashlash kerak.